Pabbi 60.

Jamm og já. Staðfest, próflestur er kominn í gang, rífandi gleði alla daga. Það hefur nú gengið ansi hægt að læra, aðallega útaf pókerspilun og almennri netnotkun, en svo var gamli sextugur í gær og það var haldin heljarinnar veisla. Maður er nottla búinn að vera með hugann við það. Semja ræðuna (sem sló í gegn að sjálfsögðu), fiffa myndasýningu og fleira. Það fór nú svo að veislustjórinn forfallaðist í miðri veislunni þannig að undirritaður tók bara við veislustjórninni og menn höfðu það á orði að önnur eins veislustýring hefði vart sést hér á landi...en ég hugsa að ég tileinki þessa færslu gamla manninum og geri grein fyrir því sem við gáfum honum.

Við systir mín gáfum honum teiknaða skopmynd sem sést hér fyrir neðan (smellið á hana til að stækka). En þar sést hann hoppa yfir á/læk með bambusprikinu sínu góða, sem brotnaði í eitt skiptið og við það féll kallinn í viðkomandi vatn. Svo er þarna smásjáin sem hann hefur auðvitað notast við í vinnunni sinni í gegnum árin, Stóra-Merkur skiltið er vísun í bernskuárin í sveitinni og svo er hann að segja þarna; Afburða styrkur í fótum. En hann fór einhvern tímann í styrktarpróf þar sem þetta var semsagt niðurstaðan...að hann hafi verið með afburðastyrk í fótum og við höfum ekki fengið að gleyma því á okkar heimili. En já, svo gáfum við honum eitthvað voðalega flott heilsutjekk hjá hjartavernd (systa sá um það). Ofaná þetta alltsaman fékk gamli Lay-z-boy stól og að auki fékk hún móðir mín einn færasta hagyrðing landsins til að yrkja vísur um kallinn við lagið Þung er nú báran með Roðlaust og beinlaust (sjá tónlistarspilara). Best að slengja fram vísunum hér, svo hendi ég skýringum við vísurnar, því ekki vita allir hvað verið er að tala um. En ég hvet alla sem þekkja einhvern sem á stórafmæli bráðum að fá einhvern til að yrkja svona um viðkomandi...eða bara yrkja sjálf. Það er fáránlega gaman að fá svona ort um sjálfan sig, ímynda ég mér allavega.

 

Leifur Þorsteinsson í hnotskurn

Sextugur er hann þó sjáist þar vart
Seiglu og krafti hans ekkert fær breytt.
Lífið það víst hefur leikið hann hart
Lagt hann að velli þó fær ekki neitt.  <- Hann fékk krabba árið &#39;79

Viðlag:
Hetjunni syngjum nú hátíðar brag
Hetju sem ofvirkur puðar hvern dag    <- Hann er fáránlega ofvirkur

Fæddur í mýrinni og fóstraður þar      <- Mýrin = sogamýrin (sogavegur)
Fór svo í rétto og menntun þar hlaut.
Þó nokkur sumur í sveitinni var
Sinnti þar störfum og löppina braut  <-Sem varð til þess að sú löpp hætti að                                                         stækka
Viðlag:

Á háskólaárunum ástina fann
Amor með boganum flest getur hitt
Osló var borg sem að heillaði hann   
Hann fór til Noregs með kon´efnið sitt

Viðlag:

Að fræðast um mosa þá freistaði mest   <-Hann ætlaði að verða
En frumurnar unnu og þess konar dót       mosafræðingur!!!
Djarfur til Íslands sig dreif fyrir rest
Doktor með konu og nýfædda snót        <- Systa fæddist í Noregi

Viðlag:

Í fornsögum unnu menn afrekin stór  <-Hann hatar ekki að vitna í Njálu
Alltaf er gaman að vitna í slíkt.             og Eglu
Þegar hann Egill á fyllerí fór
Fjögrára gamall, já það ver sko ýkt

Viðlag:

Gæðum á Íslandi gera vill skil
Greinar hans þær eru heimildar safn
Varla sú þúfa í Þórsmörk er til
Sem þekkir hann ekki og veit hennar nafn   <- Skýrir sig sjálft?
                                                                   Hann er fararstjóri hjá FÍ
Viðlag:

Forðum hann lipur á stöngina stökk            
Stóreflis fljót þannig krossað hann gat.
Uppaf þó stöngina að endingu hrökk
Eftir þá karlinn í vatninu sat                    <- Sjá mynd ;-)

Viðlag:

Í lífi og starfinu öryggið á
Oddinn hann setur og þrí tryggja skal
Vammið sitt als ekki vita hann má
Veit ekkert ljótara&#39; en reddinga tal       <- Hann er alltaf með
                                                             "belti og axlabönd"
Viðlag:

Tilbúinn virðist í allskonar at
Ein er þó hindrun á sælunnar leið
Borða vill frekar en búa til mat           <- Skelfilegasti kokkur ever hann pabbi
Bjargar sér þó ef það stefnir í neyð     <- Við erum að tala um mix  af skyri                                                             og kotasælu!

Viðlag:

Faðir og vinur hann alla tíð er
Eymund og Steinunni af sér hann gat
Hag okkar lands fyrir brjósti hann ber
Bjartsýnin sigrar, já það er hans mat

Viðlag:

Öll hér á svæðinu óskum við þér
Yndis og gæfu á framtíðar braut
Hvert sem þig ljósið í lífinu ber
Lukkan þér alla tíð falli í skaut

 

Svo mörg voru þau orð, en þetta söng hún móðir mín ásamt Þorvaldi Halldórssyni (sem er kannski þekktastur fyrir að syngja "Á sjó") og allir tóku svo undir viðlagið. Mjög svo nett. Annars var þetta bara geggjað kvöld, menn héldu þarna ræður, sungu gömul og góð íslensk dægurlög og drukku rautt og hvítt í hófi...enda vinna hjá flestum daginn eftir.

Semsagt...lukku með afmælið pabbi minn og megi árin verða a.m.k. 60 í viðbót.

Minnisblað Ferguson:

Note to self: Dekka Arshavin.

Geggjaður leikur í dag annars. Púllarar mega vera svekktir, enda að spila á móti ansi vængstífðu Arsenalliði, með vonlausan framherja, varamannavörn og strákbjána í markinu (sem reyndar var mjög fínn í dag). Leikurinn átti nottla að fara svona 5-1 en svona er þetta...sýnir bara hvað það er erfitt að skora mörg mörk og verjast einnig. Eitthvað sem Man Utd tókst svo gott sem allt tímabilið í fyrra en eiga enn eftir að sýna í ár. 

Nú er bara að vinna á morgun og slútta svo þessari deild um helgina.

Liverpool í toppsætið - Arshavin með fernu fyrir Arsenal

Krókurinn hér, hvar og hvenær sem er...

...ég er kominn í gamla formið?

12 dagar síðan síðasta færsla leit dagsins ljós...uss. Þetta er bara á einsog á gamla blogginu maður...kósý stemning...færsla aðra hverjar sumarsólstöður. Ánægður með Knút og Sindra...ekki kasta kommentum út úr glerbloggi..haha. Strákarnir að birllera í fjármálatölfræði hjá kennaranum sem kvittar undir tölvupósta með nafninu Freyzi, hvaða háskólakennari setur Z (skemmtilegt) í nafnið sitt...án gríns. En þess má geta að pabbi Freyza kenndi manni Líkindareikning og Tölfræði á fyrsta ári. Hversu lítið langar mig að lenda í kvöldverðssamræðum við þessa ágætu feðga. 

Tæknitröllið Eyjólfur Héðinsson hafði samband við mig um daginn. Kvaðst vera í vandræðum með "rauðu og grænu línurnar undir orðunum í word". Hann vantaði hjálp. Þess má geta að viðurnefnið tæknitröll hefur með þessa hluti að gera, en ekki boltann. Svo maður hjálpaði drengnum með þetta og um leið og þetta var komið, þá er hann bara rokinn. Manni leið einsog ódýrri hóru. Hann sagði reyndar áður en hann fór að hann myndi kommenta á bloggið ef ég myndi byrja að blogga einsog maður. Hvað á það að þýða? Svona menn sko. Drulla uppá hnakka á móti Rógva Jakobssen í Kórnum og segja svo eitthvað svona. Blogga einsog maður...pff. Blæs á þetta.

Hverja eiga Liverpool um helgina? Æjá...dottnir út úr keppninni. Hmm...þið eruð líka nýdottnir útúr annarri keppni ekki satt? Vá maður...úr hversu mörgum keppnum eruð þið eiginlega dottnir? Jæja...það verður bara að hafa það. Takið bara deil...HAHAHA...ég gat ekki einu sinni skrifað þetta. (7-9-13 *bankar í við*)

 

Að síðustu vil ég benda hérna á fyrirtækið mitt. www.peysanmin.com Sérprjónaðar peysur á verði sem mætti halda að sé síðan maður gat keypt bland í poka fyrir hundrað kall. Ekki nóg með það að þær séu sérprjónaðar á þig...heldur færðu peysuna senda upp að dyrum.

Það er bara þannig. 

Aukaleikari í Lost

Mig langar að nota tækifærið og kynna moggabloggara nokkurn fyrir þeim hópi lesenda þessa bloggs sem ekki kannast þá þegar við hann. Moggabloggarinn hefur yljað mér og mörgum öðrum með skrifum sínum sem mörg eru svo úr tengslum við raunveruleikann að getur ekkert annað en fengið það á tilfinninguna að höfundur sé gjörsamlega týndur. Moggabloggari er nefndur frelsisson.

Kallinn skrifar nánast eingöngu um yfirburða knattspyrnuliðið Liverpool, heppnisliðið Manchester United og svo pólitík. Hann er alveg jafn týndur á öllum þessum vígstöðvum. Það er sennilega ekkert blogg sem mig langar að commenta á, en hann leyfir það víst ekki á sinni síðu. Hvet ég hann til þess að gera það hér með.

Langar til að koma með smá tilvitnun í eina af nýjustu færslum hans, þar sem hann bloggar um þá frétt sem ég bendi á hérna neðst. En í færslunni horfir hann raunsætt á knattspyrnustjóra Manchester United, Sir Alex Ferguson. Því einsog hann segir sjálfur, þá er frelsisson réttlátur, sanngjarn og eðlilegur í alla staði.

Hver man ekki eftir því þegar hann henti skónum í Beckham hérna um árið og allt varð snar bilað á milli þeirra og hver miðilinn á fætur öðrum flutti af þessu fréttir.

Kallinn er útbrunninn en hefur alltaf haft endalaust fé milli handanna og keypt sér titlana ár eftir ár. Nú er svo komið að fleiri hafa peninga og þá verður kallinn snar vitlaus.

Já, það eru fáir sem fá mig til að lesa bloggið sitt jafnmikið og hann frelsisson. Ástæðan er ekki sú að ég er ósammála honum hvert besta knattspyrnulið heims sé eða að ég sé ekki skoðanabróðir hans í pólitíkinni...heldur sú staðreynd að skrif hans eru bara frekar fyndin.

Ferguson hafnar rifrildi við Rooney

Aðalfundur

 

 

Aðalfundur Golfklúbbsins Heimis 

 

Aðalfundur Golfklúbbsins Heimis verður haldin á 4. hæð klúbbhússins, miðvikudaginn 8. apríl 2009 kl. 21:30. Sem fyrr verða aðeins fullgildum meðlimum hleypt inn á fundinn. Fullgildir meðlimir eru minntir á að 12. hæðin er lokuð vegna viðgerða á salernisaðstöðu og dapurlegrar stærðar á sjónvarpi.

Dagsskrá fundarins er eftirfarandi:

21:30 Setningarræða formanns

21:45 Efnahagssreikningur klúbbsins kynntur af gjaldkera

22:00 Léttar veitingar

22:05 Lagabreytingar og önnur mál - sjá neðst

23:30 Skipan í nefndir

23:50 Formlegum fundi slitið

 

Lagabreytingar og önnur mál:

 

1. Fyrirkomulag meistaramóts Golfklúbbsins Heimis, Midnight Classic Invitational
2. Formaður Námskeiðsnefndar gerir grein fyrir námskeiðsleysi
3. Önnur mál og tillögur 

 

Með góðri kveðju,

Ritarinn 

Áfram Hríslan

Jása, landsleikur í kvöld. Til í það. Hef lært það af biturri reynslu að vera ekki með neinar yfirlýsingar fyrir fótboltaleiki...þannig að ég ætla að standa við fyrri spá mína. 3-0, skotum í vil.

Annars er 1. apríl í dag, ég hef nú lagt það í vana minn að reyna að plata a.m.k. einn fjölskyldumeðlim á hverju ári...tekst mjög sjaldan. Ég held nú bara að mér hafi einu sinni tekist að láta einhvern hlaupa apríl og það var í menntó, þegar ég ætlaði að plata kennarann, en plataði óvart Unnar. Sagði að það væri að draga einhverja bíla sem væru ólöglega lagðir á MS planinu...Unnar hljóp út. Það var frekar fyndið.

Það munaði reyndar aðeins hjartahlýju Sindra Sverrissonar að ég myndi hlaupa apríl í dag. Mörðurinn talaði við mig á MSN kl. 00:40 í gærkvöldi og sagði að við þyrftum að fara uppá alþjóðaskrifstofu í dag til að fara yfir húsnæðismálin á umsókn okkar til Svíþjóðar. Ég kokgleypti við þessu, en þess má geta að ég fer ekki í skólann á miðvikudögum þannig að þetta hefði verið hin fullkomna lygi, en Sindri kallinn þorði ekki að láta þetta ganga í gegn. Meiri kallinn.

Var í skvassi áðan við Helga, skemmst er frá því að segja að við tókum þó nokkra leiki a.m.k. 7...vann þá alla. . Drullugaman að taka skvass, fara svo að lyfta eftirá. Fátt betra, svei mér þá. Næst þarf ég að vinna Jón og Bjössa...svo Ingva...svo the holy grail Róbertos Fannaros. That&#39;s right...I&#39;m gunning you down bitch.

Annars eru bara síðustu próf mín sem bachelornemi við skólann framundan, vorið að detta inn sem þýðir aðeins eitt. útiboltatíð, það á eftir að vera sweet.  Sennilega síðasta fyllerí fyrir próf á fös, ef mér skjátlast ekki eru tvö partý sem maður þarf að velja á milli. Meltum það. Annars er það bara bjór á 350 kjellz á Zimsen...klárlega verður farið þangað.

Að endingu vill ég minna á aðalfund Golfklúbbsins Heimis, sem haldin verður í klúbbhúsinu næstkomandi miðvikudag, strax á eftir meistaradeildarmörkunum. Aðeins fullgildum meðlimum verður hleypt inn, að venju.

Það er bara þannig.