Eymundur Sveinn Leifsson

Jæja kaupin á eyrinni eru skrítin en nú er Michael Owen genginn í raðir Manchester United. Á dauða mínum átti ég von...en það er gaman að þessu. Leikmannamarkaðurinn er náttúrulega crazy þessa dagana og því finnst mér þetta ágætis ráðstöfun í ljósi aðstæðna. Þar sem hann verður ekki framherji nr. 1 hjá United þá má gera fastlega ráð fyrir því að álag á honum minnki og þar af leiðandi meiðsli hans...eða maður getur aðeins vonað það ekki satt?

En hér eru 5 ástæður fyrir Man Utd menn að elska þessi kaup.

5. Hann kemur án greiðslu

4. Á síðustu leiktíð var mörk/leikir hlutfallið hans betra en hjá Tevez.

3. Hann mun sennilega fá um það bil helmingi lægri laun en Tevez myndi fá.

2. Með komu hans er möguleiki á að uppalinn leikmaður Liverpool skori fyrir United gegn Liverpool fyrir framan the kop.

1. Þeir fjölmörgu aðdáendur Liverpool sem litu á hann sem guð munu nú fara í tilvistarkreppu og farga hverskonar Liverpool varningi með hans nafni á. Sem er vel.

	Owen samdi við United til tveggja ára
Ábyrgðarmaður færslu Tilkynna um óviðeigandi tengingu við frétt

Því að ég er búinn með sjúkraprófið í iðnaðartölfræðinni. Heyrst hefur að Steinþór Þorsteinsson, leikmaður Stjörnunnar hafi einnig verið í prófinu, en ólíkt mér, þá skeit hann á sig. En já, síðustu tvær vikur hafa bara farið í þetta, að læra, borða og sofa. Svo þegar maður er að taka sér pásur þá hafa þær farið í FIFA Ultimate Team. En þar sem maður er farinn að vinna og mun taka helling af kvöldvöktum í sumar þá mun maður blogga hérna um allt og ekker. Þannig að Sindri, eini lesandi þessa bloggs, þarf ekki að örvænta. 

Annars er það helsta að frétta að grundvöllurinn fyrir þessu bloggi virðist vera að deyja, það er Svíaferð okkar Barónana virðist ætla að detta uppfyrir, vegna ástæðna sem ég nenni ekki að telja upp hér. Sorrý Eyjó. Þannig að maður er bara að fara í master í iðnaðarverkfræðinni hérna heima...þannig að maður er farinn að leita sér að leiguhúsnæði, það er bara þannig. Ekki verður upplýst að svo stöddu hver verður minn roomie, en það er enn opið fyrir umsóknir. 

Desinn fær reyndar ekki að sækja um, því hver sem hann er kom með athugasemd sem var særandi og er hann hér með á gulu spjaldi. Aðallega fyrir að commenta ekki undir nafni, þekki engan Desa.

Ætla að segja þetta gott í bili, en kem með listann yfir bestu hamborgarana sem ég hef smakkað á morgun eða hinn. Þá er búið að bætast í celebslistann minn (skáletraðir).

Björgvin Páll Gustavsson - í Hagkaupum í skeifunni. Hann var að fá sér pastabakka...um að gera kolvetna sig upp fyrir landsleikina.

Júlíus Brjánsson - í Byko. Hann var að kaupa sér skrúfur og bugður með beikoni (lol). Hver man ekki eftir honum sem ríka eiginmanninum í fastir liðir einsog venjulega. Legendary stöff.

Sigmundur Ernir Rúnarsson - í Básum. Var nokkrum básum frá honum og ég get reportað ykkur að sveiflan hans er engu betri en skarðið sem hann skilur eftir sig á fréttastofu stöðvar 2

Jóhanna Sigurðardóttir - Lessa Íslands og Icesave drottning. Sá hana rölta inná Laugardalsvöll fyrir Ísland-Holland. Kannski á gráu svæði að telja hana í listann, en mér finnst þetta sleppa. Hversu slakur var sá leikur samt?

Raggi Bjarna - Sá hann á bensínstöð að fylla á ameríska drekann sinn. Ræða stærðina á þeim bíl eitthvað? Megið giska á hvaða bensínstöð þetta var og megið líka gera ráð fyrir að hann hafi verið að fylla á bílinn með hangandi hendi.

Það er bara þannig

P.S. Top Gear hefst á sunnudaginn....jeeeeeesús hvað ég get ekki beðið.

Sannleikurinn er samt einfaldur. Hann er að reyna að beina athyglinni að eyðslu Man Utd vegna þess að hann hefur sjálfur eytt gríðarlegu fjármagni í leikmenn síðan hann kom til Liverpool, þannig getur hann "afsakað" eyðslu næsta sumar, eyðslu sem Ferguson var búinn að spá fyrir um.

Maður er búinn að sjá ýmsar samantektir á eyðslu þessara stjóra. Ég sá eina á bbc í þættinum Match of the day þar sem niðurstaðan var sú að Benitez hefur eytt talsvert meira en Ferguson í leikmenn, en nettó-eyðsla Ferguson er þó meiri, eða sem nemur 3m punda á sísoni. Liverpool maðurinn James Ducker tók einnig samantekt fyrir breska blaðið Times. Þar kom eftirfarandi fram:

Það er auðvitað aldrei hægt að meta þetta þannig að nákvæmt sé, því stundum gefa liðin ekki upp verðin á leikmönnum, þá er alltaf spurning hvort t.d. Carrick var keyptur á 14m eða 18m (skv. því sem maður las var hann keyptur á 14m og með 4m frammistöðu- og árangursbundið). En gefum okkur að hann James kallinn hafi rétt fyrir sér (sjálfur tek ég meira mark á BBC). Þá munar semsagt þessu, rétt rúmum 9m punda. Ekki er það nú mikið í nútíma knattspyrnu, sérstaklega þegar þetta spannar 5 tímabil.

En áður en bitrir liverpool aðdáendur þessa lands missa hérna legvatnið og benda á mismuninn í nettóeyðslu mannanna. Það má líta á leikmennina sem fyrir eru sem fasta fjármuni hjá fyrirtækinu sem klúbburinn er. Það eru verðmæti í þessum leikmönnum og það er ekki einsog hann hafi neyðst til að selja einhvern stórfisk til að fjármagna annan eða fleiri fiska. Staðreyndin er sú að hann tók við meistaradeildarliði með nóga fjármuni á milli handana og hann náði sínum besta árangri með það lið sem hann átti minnstan þátt í að mynda, liðinu sem hann tók við tímabilið 2004/2005. 

Spurning um að hann hætti að væla einsog smábarn og fari bara að vinna vinnuna sína, sem hann hefur þrátt fyrir allt gert með ágætum að mínu mati, hann er bara soldið einsog Bubbi, fjárfesti vitlaust. 

	Benítez hyggst setja eyðslumet
Ábyrgðarmaður færslu Tilkynna um óviðeigandi tengingu við frétt

Jamm og já. Staðfest, próflestur er kominn í gang, rífandi gleði alla daga. Það hefur nú gengið ansi hægt að læra, aðallega útaf pókerspilun og almennri netnotkun, en svo var gamli sextugur í gær og það var haldin heljarinnar veisla. Maður er nottla búinn að vera með hugann við það. Semja ræðuna (sem sló í gegn að sjálfsögðu), fiffa myndasýningu og fleira. Það fór nú svo að veislustjórinn forfallaðist í miðri veislunni þannig að undirritaður tók bara við veislustjórninni og menn höfðu það á orði að önnur eins veislustýring hefði vart sést hér á landi...en ég hugsa að ég tileinki þessa færslu gamla manninum og geri grein fyrir því sem við gáfum honum.

Við systir mín gáfum honum teiknaða skopmynd sem sést hér fyrir neðan (smellið á hana til að stækka). En þar sést hann hoppa yfir á/læk með bambusprikinu sínu góða, sem brotnaði í eitt skiptið og við það féll kallinn í viðkomandi vatn. Svo er þarna smásjáin sem hann hefur auðvitað notast við í vinnunni sinni í gegnum árin, Stóra-Merkur skiltið er vísun í bernskuárin í sveitinni og svo er hann að segja þarna; Afburða styrkur í fótum. En hann fór einhvern tímann í styrktarpróf þar sem þetta var semsagt niðurstaðan...að hann hafi verið með afburðastyrk í fótum og við höfum ekki fengið að gleyma því á okkar heimili. En já, svo gáfum við honum eitthvað voðalega flott heilsutjekk hjá hjartavernd (systa sá um það). Ofaná þetta alltsaman fékk gamli Lay-z-boy stól og að auki fékk hún móðir mín einn færasta hagyrðing landsins til að yrkja vísur um kallinn við lagið Þung er nú báran með Roðlaust og beinlaust (sjá tónlistarspilara). Best að slengja fram vísunum hér, svo hendi ég skýringum við vísurnar, því ekki vita allir hvað verið er að tala um. En ég hvet alla sem þekkja einhvern sem á stórafmæli bráðum að fá einhvern til að yrkja svona um viðkomandi...eða bara yrkja sjálf. Það er fáránlega gaman að fá svona ort um sjálfan sig, ímynda ég mér allavega.

Leifur Þorsteinsson í hnotskurn

Sextugur er hann þó sjáist þar vart
Seiglu og krafti hans ekkert fær breytt.
Lífið það víst hefur leikið hann hart
Lagt hann að velli þó fær ekki neitt.  <- Hann fékk krabba árið &#39;79

Viðlag:
Hetjunni syngjum nú hátíðar brag
Hetju sem ofvirkur puðar hvern dag    <- Hann er fáránlega ofvirkur

Fæddur í mýrinni og fóstraður þar      <- Mýrin = sogamýrin (sogavegur)
Fór svo í rétto og menntun þar hlaut.
Þó nokkur sumur í sveitinni var
Sinnti þar störfum og löppina braut  <-Sem varð til þess að sú löpp hætti að                                                         stækka
Viðlag:

Á háskólaárunum ástina fann
Amor með boganum flest getur hitt
Osló var borg sem að heillaði hann   
Hann fór til Noregs með kon´efnið sitt

Viðlag:

Að fræðast um mosa þá freistaði mest   <-Hann ætlaði að verða
En frumurnar unnu og þess konar dót       mosafræðingur!!!
Djarfur til Íslands sig dreif fyrir rest
Doktor með konu og nýfædda snót        <- Systa fæddist í Noregi

Viðlag:

Í fornsögum unnu menn afrekin stór  <-Hann hatar ekki að vitna í Njálu
Alltaf er gaman að vitna í slíkt.             og Eglu
Þegar hann Egill á fyllerí fór
Fjögrára gamall, já það ver sko ýkt

Viðlag:

Gæðum á Íslandi gera vill skil
Greinar hans þær eru heimildar safn
Varla sú þúfa í Þórsmörk er til
Sem þekkir hann ekki og veit hennar nafn   <- Skýrir sig sjálft?
                                                                   Hann er fararstjóri hjá FÍ
Viðlag:

Forðum hann lipur á stöngina stökk            
Stóreflis fljót þannig krossað hann gat.
Uppaf þó stöngina að endingu hrökk
Eftir þá karlinn í vatninu sat                    <- Sjá mynd ;-)

Viðlag:

Í lífi og starfinu öryggið á
Oddinn hann setur og þrí tryggja skal
Vammið sitt als ekki vita hann má
Veit ekkert ljótara&#39; en reddinga tal       <- Hann er alltaf með
                                                             "belti og axlabönd"
Viðlag:

Tilbúinn virðist í allskonar at
Ein er þó hindrun á sælunnar leið
Borða vill frekar en búa til mat           <- Skelfilegasti kokkur ever hann pabbi
Bjargar sér þó ef það stefnir í neyð     <- Við erum að tala um mix  af skyri                                                             og kotasælu!

Viðlag:

Faðir og vinur hann alla tíð er
Eymund og Steinunni af sér hann gat
Hag okkar lands fyrir brjósti hann ber
Bjartsýnin sigrar, já það er hans mat

Viðlag:

Öll hér á svæðinu óskum við þér
Yndis og gæfu á framtíðar braut
Hvert sem þig ljósið í lífinu ber
Lukkan þér alla tíð falli í skaut

Svo mörg voru þau orð, en þetta söng hún móðir mín ásamt Þorvaldi Halldórssyni (sem er kannski þekktastur fyrir að syngja "Á sjó") og allir tóku svo undir viðlagið. Mjög svo nett. Annars var þetta bara geggjað kvöld, menn héldu þarna ræður, sungu gömul og góð íslensk dægurlög og drukku rautt og hvítt í hófi...enda vinna hjá flestum daginn eftir.

Semsagt...lukku með afmælið pabbi minn og megi árin verða a.m.k. 60 í viðbót.

...ég er kominn í gamla formið?

12 dagar síðan síðasta færsla leit dagsins ljós...uss. Þetta er bara á einsog á gamla blogginu maður...kósý stemning...færsla aðra hverjar sumarsólstöður. Ánægður með Knút og Sindra...ekki kasta kommentum út úr glerbloggi..haha. Strákarnir að birllera í fjármálatölfræði hjá kennaranum sem kvittar undir tölvupósta með nafninu Freyzi, hvaða háskólakennari setur Z (skemmtilegt) í nafnið sitt...án gríns. En þess má geta að pabbi Freyza kenndi manni Líkindareikning og Tölfræði á fyrsta ári. Hversu lítið langar mig að lenda í kvöldverðssamræðum við þessa ágætu feðga. 

Tæknitröllið Eyjólfur Héðinsson hafði samband við mig um daginn. Kvaðst vera í vandræðum með "rauðu og grænu línurnar undir orðunum í word". Hann vantaði hjálp. Þess má geta að viðurnefnið tæknitröll hefur með þessa hluti að gera, en ekki boltann. Svo maður hjálpaði drengnum með þetta og um leið og þetta var komið, þá er hann bara rokinn. Manni leið einsog ódýrri hóru. Hann sagði reyndar áður en hann fór að hann myndi kommenta á bloggið ef ég myndi byrja að blogga einsog maður. Hvað á það að þýða? Svona menn sko. Drulla uppá hnakka á móti Rógva Jakobssen í Kórnum og segja svo eitthvað svona. Blogga einsog maður...pff. Blæs á þetta.

Hverja eiga Liverpool um helgina? Æjá...dottnir út úr keppninni. Hmm...þið eruð líka nýdottnir útúr annarri keppni ekki satt? Vá maður...úr hversu mörgum keppnum eruð þið eiginlega dottnir? Jæja...það verður bara að hafa það. Takið bara deil...HAHAHA...ég gat ekki einu sinni skrifað þetta. (7-9-13 *bankar í við*)

Að síðustu vil ég benda hérna á fyrirtækið mitt. www.peysanmin.com Sérprjónaðar peysur á verði sem mætti halda að sé síðan maður gat keypt bland í poka fyrir hundrað kall. Ekki nóg með það að þær séu sérprjónaðar á þig...heldur færðu peysuna senda upp að dyrum.

Það er bara þannig.