Ekkert að vanbúnaði.

Neibb, ekkert að vanbúnaði. Að útskrifast það er að segja. Ykkur að segja þá var nefnilega smá scare í gangi vegna þess að ég hafði ekkert mætt í stjórnun fyrirtækja. Sem væri allt í lagi ef hann væri einsog allir aðrir kúrsar í skólanum þar sem verkefnin eru unnin utan tímanna. En nei nei, þá er bara stóra verkefnið unnið jafnt og þétt í tímunum. Hvað á það að þýða? Allavega, tók bara Liverpool á þetta og vældi mig inní mótið. Er semsagt kominn inní hóp af nettu liði sem er langt komið með verkefnið, ætla ekkert að neita því að það var smá vandræðalegt þegar ég tróð mér inní hópinn, jú ég ætla að segja það, viðtalið við Völu Grand og Baldvin var ekki jafn vandræðalegt, anyway...
"já, þetta er Eymundur, hann er núna kominn í hópinn ykkar". *vandræðaleg þögn*. Ég veit ekki hvort ég má segja frá fyrirtækinu sem við(þau) eru búin að stofna, þannig að það kemur bara síðar.

Allt að gerast, landsleikjahlé framundan. Jolli Héð ekki í hópnum að vanda, heyrst hefur að hann hafi tekið útihlaup í fylki á þetta og skitið uppá bak gegn Færeyjum. Þurfum aðeins að ræða þetta félagi. Annars held ég að við töpum í skotlandi og það illa. 3-0 tap, málið dautt. Óli Jó verður svo í einhverju bulli í viðtalinu eftir leikinn, þetta mun gerast sjáiði til.

En úr einu í annað. Band of Brothers. Var að klára að horfa á það í 4. skiptið eða eitthvað, ég held svei mér þá að þetta séu vönduðustu þættir sem ég hef séð, á eftir Nonna sprengju auðvitað. Verð alltaf klökkur í síðasta þættinum...kallið mig væminn, en ég get ekkert að því gert. En eftir þessa rispu þá fór ég að hugsa, þessir gæjar voru alltaf í fremstu víglínu...á d-day og allar götur eftir það...mannsfallið í þessari deild var eitt það mesta í stríðinu, sjá vini sína skotna, missa lappirnar og eitthvað. Nei nei, fara svo heim til USA og BAMM!...kreppa. Hversu ógeðis er það? Og við vælandi hérna á skerinu vegna þess að við fáum ekki almennilega sumarvinnu. Annars hef ég alltaf verið heillaður af WW2 og hluti af mér hefur alltaf óskað þess að hafa tekið þátt í stríðinu...en ég hugsa að hin 97% af mér eru ansi fegin að ég hafi ekki gengið í gegnum þann hrylling sem þessir herramenn gengu í gegnum. Minnsta sem ég get gert er að henda inn mynd af alvöru köllunum sem Band of Brothers er um.

 

Það er bara þannig.

Athugasemdir

[Sindri (IP-tala skráð) 27.3.2009 kl. 01:25]

Ísland vinnur þennan leik reyndar. Skal veðja við þig upp á sænskar kjötbollur.

[Helgi (IP-tala skráð) 27.3.2009 kl. 16:41]

Jæja þá er komið að fyrsta blogg-í-blogginu mínu

Vildi bara segja frá því hvernig ég vaknaði í morgun, vaknaði kl 10 (en ekki 14 eins og ég er vanur) við það að ég heyrði að einhver var að hvísla nafn mitt "Helgi... Helgi..." og ég svaraði að bragði "já...?" en enginn svaraði. Svo heyrði ég aftur "Helgi..." aðeins hærra en áður og svei mér þá ef þetta hljóðið kom ekki undan rúminu mínu. Ég hugsaði með mér að ég hefði átt að hlusta á mömmu og ryksuga undir rúmið mitt en það væri orðið of seint því að nú væri kviknað líf þar. Nei ok ég hugsaði þetta ekki enda mjög þreyttur en leit samt undir rúmið og sá ekkert þar. Ég man ekki alveg hvað ég var að hugsa á þessum tímapunkti en þá heyrði ég þetta einu sinni enn og núna heyrði ég greinilega að orsök hljóðsins var undir sænginni minni, uppi í rúminu. Dauðskelkaður lyfti ég sænginni og sá símann minn. Gunnar var í honum og var að reyna að ná sambandi við mig.

Hef væntanlega verið búinn að snooze-a vekjaraklukkuna á símanum nokkrum sinnum án þess að vakna og tekið sömu viðbrögð þegar síminn hringdi, og svarað gunnari án þess að vakna.

bless og takk, ekkert snakk.

[Eymi (IP-tala skráð) 27.3.2009 kl. 19:27]

haha, gaman að þessu Helgi, lifandi frásögn sem heldur manni á tánum alla leiðina í gegn.

[Knútur Birgir (IP-tala skráð) 28.3.2009 kl. 14:43]

Ég er algjörlega sammála þér með Band of Brothers. Er einmitt að horfa á þetta í 4-5 skiptið þessa dagana og verð líka alltaf smá klökkur við að heyra þessar gömlu hetjur tala um stríðið í lok þáttanna.

[Robbi (IP-tala skráð) 28.3.2009 kl. 18:48]

hahaha góður Helgi... Já er líka sammála þér Eymi..þetta eru engar smá hetjur